EIMC ke eng?

Mo dikgweding tse di sa tswang go feta,kompone ya dithulaganyo tsa dikago le tsamaiso ya thuto EIMC, e nnile nthakgolo mo dipuisanong tsa sechaba tsa Botswana ka dipaakanyo le diphetolo mo go tsa lephata la thuto.Leina la yone le tlhagelela mo dipuisanong tsa semmuso le ngangisano ya Sechaba. Le fa go ntse jalo,potso e setseng mo go ba le bantsi ke e: EIMC ke eng ka botlalo,mme keeng e le botlhokwa?

Ka motheo wa yone,EIMC ke setheo se se tlhamilweng ka maikaelelo a faphegileng,e le aa tlhomilweng go fetola ka fa Botswana a logang maano,go tlamela ,go tlhokomela dithulaganyo tsa dikago tsa dikolo tsa puso.E tlhamilwe go rarabolola sephatlo se se setseng se na le lobaka fa gare ga maikaelelalo a setshaba sa thuto le seemo sa mmannete sa mafelo a go ithutelwang kwa go one.

Go nonotsha thulaganyo ee golaganeng

Mo Botswana ka bophara ,makalana a farologaneng a tsamaiso a setse a na le lobaka a abela mo go ageng le go tlhokomela dithulaganyo tsa dikago tsa dikolo,lekalana lengwe le lengwe le tshameka karolo e e botlhwakwa ka dinako tse di farologaneng.Fa ditlhokego di ntse di gola di bo di fetoga,go nnile botlhokwa go gaisa pele go kopanya maiteko ano ka tsela e e golaganeng ebile e lebeletse kwa pele.EIMC e tlhametswe go diragatsa gone moo.

Ka go leba dithulaganyo tsa motheo go tloga kwa tshimologong go ya kwa bokhutlong,go simolola ka go loga maanao le go thala,go ya kwa kagong ,go baakanya,go tlhokomela,le tsamaiso ya botshelo jwa dikago mo pakeng e telelele,e thusa go golaganya ditiro tse di neng di tlwaetse go dirwa ka go farologana.Maikaelelo ga se go emisa maiteko a setseng a le teng ,mme ke go nyalanya le gore go nne le thulaganyo e tsamaelanang sentle ebile e dirisiwa ka botswerere.

Mokgwa yo o supa phetogo e e motlhofo mo go akanyeng:mafaratlhatlha a tsa dikolo ga se tiro ya motho a le mongwe fela ,mme ke sediko se se tswelelang ebile se sologelwa molemo ke tswelelopele ,tirisanyo mmogo,le go dira maano a paka e telele.

Se puso e se amogetseng

Go tlhomiwa ga EIMC go sala morago tshwetso e e tlhamaletseng ya Lekgotla la matona ya go tlhoma setheo se se faphegileng,go tsaya maikarabelo a feletseng a go tokafatsa dithulaganyo tsa dikago tsa dikolo tsa puso le ka fa tlhokomelo ya tsone e tsamaisiwang ka teng.Maikaelelo ano a netefaditswe gape ka Taelo ya ga Tautona go sena diphetogo dipe,go supagala le maikemisetso a nonofileng a sepolotiki le maikaelelo a setshaba a a tlhapileng.

Mo tiragatsong,EIMC e solofetswe go baakanya dikolo tse di onetseng,go atolosa dikago tsa dikolo fa go nang le diphatlha,go tsenya dithulaganyo tsa maranyane,go tlhabolola mafelo a thuto le go tokafatsa ka fa mafelo a dirisiwang a tsamaisiwang ka teng mo tsamaong ya nako.Gape ke ya puso ka botlalo go bontsha gore tiro ya yone ke ya sechaba.

Botlhokwa jwa popego: ke ka lebaka lefe e se lekalana la puso le le tlwaelesegileng

Gore EIMC e rulagantswe jang ke yone konokono ya gore e bereka jang.E tlhomilwe e le setheo se se kgethegileng,kompone e e tlhomilweng ka lebaka le le lebaneng eseng jaaka setheo sa sennela ruri se se nang le ditiro tse di anameng.

Se se e farologanyang le makalana a puso a tlwaelesego,jaaka Botswana Power Corporation kgotsa Water Utilities Corporation tse di tlhomilweng ka molao,di tlamela ditirelo tsa sechaba tse di tswelelang pele,ebile go le gantsi e leng ba dikago tsone tse didirisiwang kgotsa beng ba dithulaganyo tsa motheo tse di dirisiwang.

EIMC yone ga e sale mokgwa oo morago.Ga e na dikolo,ga e tsamaise thulaganyo ya thuto kgotsa go diragatsa taolo e e ikemetseng mo bonosing mo thutong ya sechaba.Mo boemong jwa seo,e dira ka fa taelong ya puso le ditumelano tse di kwadilweng semmuso,e tlotlile tiragatso le tsamaiso bogolo go taolo.

Kgokaganyo,eseng go ipoeletsa ga tiro

Nngwe ya dipotso tse di botswang gantsi ke gore a EIMC e boeletsa ditiro tse di dirwang mo lekalaneng lengwe mo pusong.Ga e dire jalo.

EIMC e bereka jaaka setheo se se motlhofo ,se tlhamaletse go kopanya maiteko a e leng gore go tswa goo lowe a ntse a kgaogane.

Dithulaganyo tsa motheo tsa dikolo tsa puso di wela mo makalaneng a le mmalwa,go akaretsa lephata la Thuto le Boitekanelo jwa Bana,lephata la Puso Selegae le Merero ya Setso le dikhansele tsa lone,le Lephata la Dipalamo le Dithulanyo tsa Motheo.Tiro ya EIMC ke go rulaganya dikarolo tse gore di nne le thulaganyo e le nngwe e mo momaganeng ebile e le manontlhotlho.

Se se botlhokwa ke gore,EIMC ga e ntshe mananeo a setseng a le teng.E dira ga mmogo le one.Dithulaganyo tse di simolotsweng jaaka lenaneo la Ditiro tsa Setshaba la Ikageng Public Works Program (IPWP) le le ikaegileng ka tlhabololo ya bokgoni le katiso e golaganngwang le tlhagiso,a tsewa a le a tshegetsang EIMC. Maikaelelo ke go dirisana ka tomagano le batsayakarolo botlhe ba ba amegang mo dithulaganyong tsa motheo tsa dikolo,go na le go boeletsa tiro ya bone.

Mokgwa wa tiragatso e bonako ebile segolo bogolo o obega

EIMC e tlhamilwe go dira ka bonako jo dithulaganyo tsa tlwaelo gantsi di palelwang ke go bo fitlhelela.Ka go dira ka tirisanommogo,ditaelo tse di tlhamaletseng le maduo a tlhatlositsweng,e ka tsamaisa tiragatso ya dithulaganyo tsa motheo ka bofefo mme e ntse e ikarabela.

Go bile go na le tlhokego ya potlako e tsentsweng mo teng.Ka tiro ya setshaba ee tlhomameng le sebaka se se lekanyeditsweng sa kgwedi tse di masome a mararo le borataro(36),EIMC e solofetswe go dira ka bonako.Se se kaya go aga dithulaganyo ka nako e le nngwe le go di diragatsa ,go lekalekanya bonako le tlhokego ya boleng,go tsamaisanya,le ditlamorago.

Matlole a Thulaganyo:Mokgwa o kopantseng Metswedi

Tomagano ya matlole ya EIMC e ikaegile ka mokgwa wa matlole o o kopantseng o tlhametsweng go netefatsa go nna teng ga tswelelo le kgolo ya sebaka se seleele.

Mo dikgatong tsa ntlha le tsa tlhabololo,matlole a tswa thata mo kabong ya tlhabololo ya puso.Se se okediwe ka matlole a ditheo le dithuso ,gammogo le tirisanommogo ya dikamano tsa thuso le mafatshe a mangwe,ba ba thusang ka ditlamelo tse di tsamaelanang le ditogamaano tsa sechaba,makalana a matlole a ditlhabololo le boemedi jwa mafatshe gape ba aba matlole a rotloetsang go tshegetsa kabo ya dithulaganyo tsa motheo,peeletso ya sebaka se se leele le diphetogo ka dithulaganyo ka bophara.

Dikabelo le dineelo tsa makalana a ikemetseng ka bonosi di tsweletse di tshegetsa maiteko a rileng ,a thusa go fefosa kabo mo dikgatong tsa ntlha le go rotloetsa boitlhamedi.

Fa lephata le gola le bo le supa bokgoni jwa go ntsha maduo le ditlamorago tse di lekanyeng,mokgwa o solofetswe go fetogela ka bonya kwa bogolong jwa matlole gore a kgone go ikemela ka bonosi.Se se tla akaretsa go fitlhelela mebaraka ya madi,go kgontsha ga matlole a makalana a ikemetseng ka nosi go atologa,go rotloetsa boitlhamedi ,le go diragatsa mananeo a magolo.

Lebaka la go bo e le botlhokwa

Seabe sa EIMC se mo bogareng jwa ditlapele tsa sechaba : go tokafatsa boleng jwa thuto,go nonotsha kabo ya ditirelo tsa puso,go atolosa seabe mo itsholelong,le go tsweletsa ditlamorago tse di lekanyeng.

Mafaratlhatlha ga a kgaogana le maduo a thuto.Seemo sa mantlwana a boithutelo se bopa ka fa baithuti ba ithutang ka teng,ka fa barutabana ba dirang ka teng,le ka fa merafe e itemogelang thuto yotlhe ka teng.Sekolo se se tlhokometsweng sentle se rotloetsa seriti le maduo a a kwa godimo :se se tlogetsweng se senya bobedi joo.

Katlego e tla lebega jang

Fa EIMC e ka diragatsa maikaelelo a taolelo ya yone ya ntlha ya kgwedi tse di masome mararo le borataro (36) maduo e tla nna a bonalang le a a fetolang tsamaiso.Dikolo di tla bo di sireletsegile,tsa maemo a kwa godimo le didirisiwa tse di botoka.Tiro tsa tlhabololo ya mafaratlhatlha di tla dirwa ka bonako le matsetseleko a kwa godimo.Go tla nna gape le ditshono tse dikgolo tsa dikgwebo tse e leng tsa Batswana,dikgwebo potlana tsa SMME le baithuti ba ditiro tsa diatla mo gae go nna le seabe mo tlhabololong ya sechaba.

Le fa e se mo pontsheng,ditokafatso tse di tla nonotsha maikutlo a baithuti ,tsa tshegetsa go nna ga barutabana mo tirong,le go aga boikanyego jwa setshaba ka kakaretso mo tsamaisong ya thuto.

Phetogo e kgolo

EIMC e tswa mo go lebeng mafaratlhatla e le peeletso ya nako e le nngwe fela ,mme e simolola go a tlhaloganya e le tsamaiso e e tswelelang e e tshegetsang tlhabololo ya sechaba.ka jalo,EIMC ga se mokgwa wa go diragatsa fela,ke lenaneo la phetogo ya konokono.

Mme katlego ya yone e tla ikaega e seng fela ka se e se tlhametsweng,mme e le ka manontlhotlho a e diragatsang ka one.

Ko bokhutlong EIMC e tlisa phetogo ya mokgwa wa go akanya.

For more information contact:

Ms. Keolebogile Lebo Diswai

Executive Head – Stakeholder Management & Partnerships

Education Infrastructure and Management Company

kdiswai@eimc.co.bw